Ek Chadar maili si


Apni zindagi me jhanka to beete huye salon se bhari huyi kitab ke panne bikharte chale gaye. vyaktigat sangharsh ke dauran apne ko kahin door chor diya aur rookne ka vaqt hi nahi mila. Khudko samjhne ka, sarahne ka aur khilne ka.

AAj ek kasmasahat hai. Apne se sambandh toota hua lagta haiMann ki dehleez par kayi sapne , kayi vichar khade hain. Kuch purani pehchan hai unse.
Jivan ek tarfa sa ho gaya tha, mere andar ki kalakar, likhika, nari, nartaki, jayika aur ped, paudho se pyar karne wali malin, barish ki phuhar me sahaj hansnewali aurat aur sath hi aurat hone ka ehsas ,sabhi kuch ek purane kapdo ki gathari me bandh kar mann ke kisi kone me phenk diya tha. apni nayi seemayon me main aisi bandhi ki sare shringar choot gaye aur ek sookhepan ki chadar ordh lee.

Zimmedarion ki ye chadar ab ghisne lagi hai.
Ise uthar dena chahti hun.. ek rahat ,ek aazadi ka ehsas mehsoos karna chahti hun.. ek nayi chadar odhne ka..shayd aadat si ho gayi hai chadar odhne ki..ek suraksha ka ehsas milta tha, garmahat ka bhi. Chadar hi mera astitva ban kar reh gayi thi.. meri pehchan.

Kaun hai es chadar ke neeche, kiska jism hai, kaisa hai, kis rang kahai, kaisa dikhta hai ye jism ..sab bhool gayi thi main.
aaj phir wo jism chadar tale karvaten le raha hai ..khle aakash me pankh lagakar udna chahta hai .. khwab dekhna chahta hai, unhe sakar karna chahta hai.. chadar ki garmahat se nikal kar insani garmahat ko mehsoos karna chahta hai..

us naadi ki tarah behna chahta hai .jo apna rasta khud banati hai ..virodh me tod kar nikalna chahta ..talab ban kar thaharna nahi chahta ..bandhna nahi chahta .mukt hona chahta hai.
pane ko dekhna chahta hai paas se ..apne me sabko samana chahta hai.
Jana chahta hai us sansar ki aur jo usme hai ..mujhme hai.hawa, khushboo, samudra, badal sab banana chahta hai ..ek bhasha ek parivesh nahi ..sab kuch.

is maili si ghisi chadar ko utar aaj maine pehli bar khud se mulaqat ki ..apne andar ki sundar nari se do baaat ki ..
sab bandhan , sab zanjeeren tod de. aaj apne ko sahi mayne me muqt kiya ..

Ab main khud apni pehchan hun ..

samay aa gaya hai apne se judne ka… jeene ka .. apni abhivyaqtiyon ke dwar kholne ka.. jeevan me rang bharne ka .

Samay aa gaya hai barson pehle sadiyon se bai khamoshi todne ka ..apne sapno apne adhikaron ko aawaz dene ka..

About these ads

3 thoughts on “Ek Chadar maili si

  1. Very very beautiful. I hope you continue to find a new voice – strong, fearless and free.

  2. Very nice visualization of the realization and manifestation of the Spirit . . . “A Caterpillar cannot remain into a Cocoon Forever . . . A Butterfly Has to Emerge one Day” !!!

    A Very Brave Effort Indeed.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s